Санаи 29 августи соли равон дар толори Институти таърих, бостоншиносӣ ва мардумшиносии ба номи А.Дониши АМИТ мизи мудаввар дар мавзуи «Истиқлолияти давлатӣ – пояи рушди давлатдории миллӣ» бахшида ба 34-умин солгарди ҷашни Истиқлолияти давлатӣ баргузор гардид. Сухани ифтитоҳиро директори Институти таърих, бостоншиносӣ ва мардумшиносии ба номи А. Дониши АМИТ н.и.т., дотсент Муродзода А.А. оғоз намуда, қайд намуд, ки Истиқлолият ҳамчун неъмати бебаҳо дасоварли бузурги миллати тоҷик буда, нигаҳдории он вазифаи муқаддаси ҳар як фарди баору нумуси миллат аст.

  Сипас, узви вобастаи АМИТ профессор Пирумшоев Ҳ.П. бо маърузаи пурмӯҳтаво дар мавзуи «Истиқлолият падидаи беназир дар таърихи миллат» баромад намуданд. Конференсияро д.и.т., Ҳамза Камол бо маърузаи худ дар мавзуи «Нақши сарчашмаҳо дар омӯзиши таърихи халқи тоҷик» идома доданд. Ба кори Конференсия корманди шуъбаи таърихи навтарини Институт Неъматов И. бо ироаи матлаб дар мавзуи «34-соли истиқлол ва мавқеи байналмилалии Тоҷикистон» ҳусни анҷом бахшиданд.