Наврӯз яке аз ҷашнҳои қадимаи мардумони ориёӣ, аз ҷумла тоҷикон буда, бо омадани соли нав ва эҳёи табиат тавъам аст. Дар Тоҷикистон Наврӯз ҳамчун ҷашни расмӣ ва миллӣ бо шукӯҳу шаҳомати хосса таҷлил мегардад.

    18 марти соли 2025 бахшида ба таҷлили Иди Наврӯз дар толори  маҷлисгоҳи Институти таърих, бостоншиносӣ ва мардумшиносии ба номи А. Дониши АМИТ семинари илмию – амалӣ таҳти унвони “Наврӯз - намоди илму дониш” баргузор гардид. Дар он олимону кормандони Институт иштирок намуданд.

    Ҳадафи баргузории семинар омӯзиши паҳлуҳои гуногуни ҷашни Наврӯз ҳамчун намоди илму дониш, таҳқиқи омилҳои ҷаҳонишавии он ва нақши таърихию фарҳангии Наврӯз дар ташаккули ҳувияти миллӣ ва худшиносии мардум ба хисоб мерафт.

    Семинари илмиро котиби илмии  Институт, номзади илмҳои таърих Мирзоев Шуҳрат бо суханҳои муқаддимавӣ ифтитоҳ намуд. Сипас, мудири шуъбаи таърихи илм ва техника, номзади илмҳои таърих Шарифзода А. бо маърузаи “Омилҳои ҷаҳонишавии Наврӯз” ва сарходими илмии шуъбаи таърихи илм ва техникаи Институт, доктори илмҳои таърих Бобоев Х. бо маърузаи “Наврӯз - ҷашни тақвимӣ” баромад намуданд.

Дар идомаи семинар, иштирокчиён дар музокирот ширкат варзида, фикру мулоҳизаҳои худро баён доштанд.